Maktabimizda unib-o‘sib kelayotgan yosh avlodning iste’dodini xar tomonlama kamol toptirish va madaniy saviyasini yuksaltirish, yoshlarimizning milliy va jaxon musiqalari, tasviriy san’atning yuksak namunalaridan keng baxramand bo‘lishi uchun sharoitlar yaratilib, boshlang‘ich musiqa va tasviriy san’at ta’limi tizimi tubdan takomillashtirilmoqda.

Ta’lim muassasamiz o‘quvchilarga musiqa, tasviriy, amaliy, teatr va raqs san’ati bilimlarining boshlang‘ich asoslarini o‘rgatib ularni san’at olamiga yetaklash, jaxon klassik musiqasi va o‘zbek xalqining mumtoz musiqa merosi durdonalari, ustoz shogird an’analari asosida nafis san’atning barcha turlaridan bahramand qilish. Estetik bilimlar targ‘ibotini yo‘lga qo‘yish, iqtidorli o‘quvchilarni shu sohaning o‘rta maxsus ta’limi muassasalariga tayyorlash vazifalarini bajarib kelmoqda.

Konimex tuman 4-son bolalar musiqa va san’at maktabi 1981 yil tashkil qilingan. O‘zbekiston Respublikasi Prezidentining 2008 yil 7-yanvardagi F-2908-sonli farmoyishiga binoan bolalar musiqa va san’at maktablari moddiy texnik bazasini mustaxkamlash va ularni faoliyatini yanada yaxshilash bo‘yicha 2009-2014 yillarga mo‘ljallangan Davlat dasturi asosida O‘zbekiston Respublikasi Prezidentining 2008 yil 8-iyuldagi “Bolalar musiqa va san’at maktablarining moddiy-texnik bazasini mustaxkamlash va ularning faoliyatini yanada yaxshilash bo‘yicha 2009-2014 yillarga mo‘ljallangan Davlat dasturi to‘g‘risida”gi PQ-910-sonli qaroriga muvofiq 2012 yil dastur asosida II-tip bo‘yicha 150 o‘ringa mo‘ljallangan yangi maktab binosi qurilib foydalanishga topshirilgan.

Xozirgi kunda ta’lim muassasamizda 46 nafar pedagog xodimlar ish faoliyat olib bormoqda. Ularning 26 nafari oliy ma’lumotli, 12 nafari tugallanmagan oliy ma’lumotli ega bulsa 8 nafari o‘rta maxsus ma’lumotli mutaxassis o‘qituvchilar. Pedagog hodimlarning 3 nafari oliy toifali, 3 nafari 1-toifali 7 nafari 2 malaka toifalariga ega.

Maktabda hozirgi vaqtda 13 bo‘lim 27 yo‘nalish bo‘yicha 324 nafar o‘quvchi musiqa va san’at sirlarini o‘rganib kelmoqda.

Maktabda “Sado” o‘zbek xalq cholg‘ulari ansambli, “Dutorchi qizlar” ansambli, doirachilar “Zarb” guruhi, “Tarona” karnay surnay jamoasi, “Baldauren” qozoq do‘mbirachilari ansambli, “Yoshlik” xor jamoasi, ko‘p ovozli orkestr jamoasi, damli cholg‘ular ansambllari, “Durdona”, “Didar” va “Marvarid” raqs dastalari tashkil etilgan.

Askarova Amira Askarovna

Dars beruvchi yo'nalishlar

Mehnat faoliyati